სოციალურ ქსელ „ფეისბუქში“ მომხმარებელი გამოგონილი სახელით ვეღარ დარეგისტრირდება. აღნიშნული ინფორმაცია უცხოურ მედიაში ვრცელდება. 

„ფეისბუქის“ ადმინისტრაციის მიერ გავრცელებული განცხადების თანახმად, სოციალური ქსელის პოლიტიკა იცვლება, რომლის თანახმადაც, მომხმარებელი „ფეისბუქზე“ მხოლოდ ნამდვილი სახელი-გვარით დარეგისტრირებას შეძლებს.

ამავდროულად, „ფეისბუქი“ მომხმარებლებს საშუალებას მისცემს, გამოგონილი სახელით დარეგისტრირების განსაკუთრებული გარემოება ახსნან. 

კერძოდ, როდესაც მომხმარებელი სოციალურ ქსელში „ყალბი სახელით“ დარეგისტრირდება, მას ახსნა-განმარტების წარდგება მოუწევს. წინააღმდეგ შემთხვევაში, ის „ფეისბუქში“ ვერ დარეგისტრირდება. 

„ფეისბუქის“ ადმინისტრაციამ აღნიშნული გადაწყვეტილება მომხმარებლის უსაფრთხოებიდან გამომდინარე მიიღო. 
 

წყარო: www.info9.ge